हेरमान काजीया काय् म्ह्याय पिनि,
डि.भी. धाःगु लाकलः हँ
थःगु देय् त्वःता कतः देय् येका,
अम्रिका धाःथाय् च्वंवन हँ ।
लय्लय् तातां मुसु मुसु न्हिलाः,
लसतां पूजानं ङायेकल हँ
हेरमान काजीया क्वस्वःगु ग्वाँय् नं
आःला न्ह्याबलें थस्वल हँ ।
म्हिगःतकथःगु न्ह्याबलें माःगु
देय्नं वयातक्वह्यन हँ
नाता–नीताथःथिति सकलें
वयागु मिखाय् चीधन हँ ।
काय्–म्ह्याय् निम्हं अम्रिकन जूगुलिं
जात नं थःगु थकाल हँ
पपू छुयी म्वायेक ब्वयाःवने दयेक
कतःया भूमी वने दत हँ ।
आकाश पाताल तापाक्क च्वंसां,
काय् म्ह्याय् सकलें नापं हँ
ख्वाः नं स्वये दु, दुःख सुख ब्वये दु,
इन्टरनेटया जमाना ह“ ।
अय्सां हाय् ¤ मपूmत छुयाये,
लासाय् हेरमान ग्वतुल हँ
मदीक वैगु दमया ल्वचं,
छकलं वला ग्वाराचिन हँ ।
थुसु थुसु थुसु थुसु मोस नं वल,
छातिनं घ्यार घ्यार च्वनावल हँ
क्वालः छप्ति दायेका बिइपिं
सुं छम्ह कुरुवाथनमदु हँ ।
थःच्वन वारि काय् म्ह्याय् पारि,
बौ स्वयातःधं डलर हँ
घिति घितिच्वंका नेपाः देय् लुमंका
हेरमानकाजी मन्त हँ ।