खेलकुद विद्यार्थीहरुको मानसिक र शारीरिक स्वास्थ्यको लागि
भक्तपुर । माघ २६ गते, शुक्रबार
भक्तपुर नगरपालिकाका प्रमुख सुनिल प्रजापतिको प्रमुख आतिथ्यमा भक्तपुर नपाको आयोजनामा भइरहेको भक्तपुर नगरव्यापी विद्यालयस्तरीय खेलकुद प्रतियोगिताअन्तर्गत खोखो प्रतियोगिताको समापन तथा पुरस्कार वितरण कार्यक्रम शुक्रबार सम्पन्न भयो ।
कार्यक्रममा बोल्दै नगर प्रमुख सुनिल प्रजापतिले विद्यार्थीहरुको शारीरिक र मानसिक विकासको लागि खेलकुदको निकै ठूलो भूमिका रहेको उल्लेख गर्दै अध्ययन र खेललाई सँगसँगै अगाडि बढाउनुपर्ने धारणा राख्नुभयो ।
उहाँले खेलकुद मनोरन्जन सँगसँगै व्यक्तित्व विकास गर्ने राम्रो अवसर पनि भएको बताउँदै भक्तपुर नपाले विद्यार्थीहरुलाई सक्रिय बनाउन यस किसिमका खेलकुद प्रतियोगिता आयोजनालाई जोड दिँदै आएको बताउनुभयो ।
कार्यक्रममा भक्तपुर नपा वडा नं. १० का वडाध्यक्ष लक्ष्मीप्रसाद ह्यौंमिखाले सहभागी र विजयी खेलाडीहरु बधाई ज्ञापन गर्दै खेलाडीहरुले देशको सार्वभौमिकता रक्षाको निम्ति खेल्नुपर्ने बताउनुभयो ।
भनपा वडा नं. १ का वडाध्यक्ष एवम् युवा तथा खेलकुद समितिका संयोजक श्यामकृष्ण खत्रीले राष्ट्रिय अन्तर्राष्ट्रिय स्तरका खेलाडीहरु उत्पादन गर्ने उद्देश्यले भक्तपुर नपाले नगरव्यापी विद्यालयस्तरीय र अन्तरनगर खेलकुद प्रतियोगितालाई नियमितता दिइरहेको बताउनुभयो ।
कार्यक्रममा भक्तपुर नपाका प्रमुख प्रशासकीय अधिकृत वसन्त भट्टराई, भनपा ४ का वडाध्यक्ष उपेन्द्र सुवाल, पूर्व वडाध्यक्ष चन्द्रबहादुर उलक, ख्वप कलेज अफ इन्जिनियरिङका प्राचार्य सुनिल दुवाल र वडा सदस्य कृष्णनारायण दुमरुले पनि बोल्नुभएको थियो ।
कार्यक्रमका प्रमुख अतिथि तथा अतिथिहरुले खेलकुद प्रतियोगिताका विजयी खेलाडीहरुलाई प्रमाणपत्र र मेडल वितरण गर्नुभएको थियो ।
भक्तपुर नगरव्यापी विद्यालयस्तरीय खोखो प्रतियोगितान्तर्गत भएको फाइनल खेलमा छात्रतर्फ बागीश्वरी मावि प्रथम, बालविकास स्कूल द्वितीय, सरस्वती स्कूल र तारा मावि तृतीय भएका थिए । त्यस्तै छात्रातर्फ ब्राइटस्टार स्कूल प्रथम, सरस्वती स्कूल द्वितीय, मेधा स्कूल र तारा मावि तृतीय भएका थिए । खोखो खेलअन्तर्गत छात्रतर्फ उत्कृष्ट खेलाडी नविन सेन्चुरी र छात्रातर्फ मन्दिर राय हुन सफल भए ।
![](https://scontent.fktm19-1.fna.fbcdn.net/v/t39.30808-6/426284088_762530762596392_4296782501064700295_n.jpg?stp=dst-jpg_p526x395&_nc_cat=108&ccb=1-7&_nc_sid=3635dc&_nc_ohc=YoUwq4Bd1fkAX9ksWbh&_nc_ht=scontent.fktm19-1.fna&oh=00_AfCRBdOgzE8-HSknLkdmxSA0R1IA5tUM1OqKEwPAbgwkvw&oe=65CDDBE3)
![](https://scontent.fktm19-1.fna.fbcdn.net/v/t39.30808-6/426680106_762530665929735_5983031365542926834_n.jpg?stp=dst-jpg_p526x395&_nc_cat=101&ccb=1-7&_nc_sid=3635dc&_nc_ohc=WPNd4j6J1z0AX9uFrcg&_nc_ht=scontent.fktm19-1.fna&oh=00_AfCslm7p8cfW4bZjfXod-Q97YOIiqVlap0U79Rr1QXKPvQ&oe=65CE71E5)
![](https://scontent.fktm19-1.fna.fbcdn.net/v/t39.30808-6/426629135_762527325930069_8463293801898584924_n.jpg?stp=dst-jpg_p526x395&_nc_cat=101&ccb=1-7&_nc_sid=3635dc&_nc_ohc=va8ACzbPZ1MAX8n_5Ao&_nc_ht=scontent.fktm19-1.fna&oh=00_AfBdALaQtjosKCpvb4jZW6pLaoOY-bC4c1k1kM06frKAQA&oe=65CEBC3F)
![](https://scontent.fktm19-1.fna.fbcdn.net/v/t39.30808-6/426672838_762527362596732_4378021039103215585_n.jpg?stp=dst-jpg_p526x395&_nc_cat=105&ccb=1-7&_nc_sid=3635dc&_nc_ohc=D8wtct4UH8YAX_ktL5r&_nc_ht=scontent.fktm19-1.fna&oh=00_AfB0CQ9YhH8o7ncJTtZ_EGvTC7WXJYY-V2C5gRMtagF6kg&oe=65CDBB74)