अन्तरनगर एथ्लेटिक्स प्रतियोगिताअन्तर्गत शनिबार सम्पन्न खेलको नतिजा

भक्तपुर नपाको आयोजनामा भएको अन्तरनगर एथ्लेटिक्स प्रतियोगिताअन्तर्गत शनिबार सम्पन्न १०० मि. महिला दौडको फाइनल गेममा भक्तपुर नपाका स्वागता खाइजु प्रथम, भक्तपुर नपाका प्रकृति सुवाल द्वितीय, र ललितपुर महानपाका सुप्रिया रजक तृतीय हुन सफल भए ।

१०० मि. पुरुषतर्फको दौड फाइनल गेममा ललितपुर महानपाका आशिष खत्री प्रथम, भरतपुर महानपाका भुवन महतो द्वितीय र भक्तपुर नपाका रोहन सुवाल तृतीय हुन सफल भए ।

५००० मिटर महिला दौडतर्फ भएको फाइनल गेममा भक्तपुर नपाका ईश्वरचन्द्र बस्नेत प्रथम, चाँगु नपाका सागर श्रेष्ठ द्वितीय र भक्तपुर नपाका विश्वराम कुँवरले तृतीय स्थान हासिल गरे ।

यसैगरी त्रिपल जम्प पुरुष फाइनलतर्फ भरतपुर महानपाका भुवन महतो प्रथम, भक्तपुर नपाका रोशन पहरी द्वितीय र मन्थली नपाका मनोज श्रेष्ठले तृतीय स्थान हासिल गरे ।

त्रिपल जम्प महिलातर्फ भएको खेलमा भक्तपुर नपाका स्वागता खाइजु प्रथम, ललितपुर महानपाका रजिना दुलाल द्वितीय र भक्तपुर नपाका श्रयस्का शिल्पकार तृतीय हुन सफल भए ।