विद्यालयस्तरीय खेलकुद प्रतियोगिता अन्तर्गत फुटबल खेल सम्पन्न

भक्तपुर नगरपालिकाको आयोजनामा कार्तिक ९ गतेदेखि सुरु भएको भक्तपुर नगरव्यापी विद्यालयस्तरीय खेलकुद प्रतियोगिता अन्तर्गत मंगलबार फुटबल खेलको फाइनल खेल सम्पन्न भयो ।

साइनिङ स्टुडेन्ट र वागीश्वरी मावि विच भएको अन्तिम खेलमा साइनिङ स्टुडेन्टले वागीश्वरी माविलाई ४—१ गोलले पराजित गर्दै साइनिङ स्टुडेन्टले प्रथम स्थान हासिल गरे भने वागीश्वरी माविले द्धितीय स्थान हासिल गरे । साइनिङ स्टुडेन्टतर्फ जर्सी न. ११ मन रुकेश तामाङले २ गोल, जर्सी नं ९ का विश्वास तामाङ र जर्सी नं १० का दोर्जे तामाङले १/१ गोल गरेका थिए भने वागीश्वरी माविको तर्फबाट जर्सी नं २० का क्रिजेन सुवालले १ गोल गरेका थिए । फुटबल खेलमा पद्य मावि र मेधा माविले तृतीय स्थान हासिल गरे ।