विद्यालयस्तरीय खेलकुद प्रतियोगिता चौथो दिन जारी

भक्तपुर नगरपालिकाको आयोजनामा कार्तिक ९ गतेदेखि सुरु भएको भक्तपुर नगरव्यापी विद्यालयस्तरीय खेलकुद प्रतियोगिता जारी छ ।

पद्य माविमा संचालन भइरहेको छात्रा तर्फको पोर्टबल खेलमा तारा माविले र प्रभात माविलाई १०—४, अक्सफोर्ड प्राक्टिकल स्कुलले नविन आविलाई १८—२, वागीश्वरी माविले विद्या आर्जनलाई १४—११ र बासु माविले पारागण स्कुललाई २०—८ अंकले पराजित गरेको छ । यस क्रममा तारा मावि र अक्सफोर्ड प्राक्टिकल स्कुल तथा वागीश्वरी मावि र बासु मावि सेमिफाइनलमा प्रवेश गरेको छ ।

त्यस्तै छात्र तर्फको खेलमा न्यातपोल स्कुलले गणेश माविलाई ८—६ अंक र वागीश्वरी माविले एभरेष्ट स्कुललाई १५—९ अंकले पराजित गरी विजेता टोली न्यातपोल स्कुल र वागीश्वरी मावि सेमिफाइनलमा पुग्न सफल भएका छन् । साथै ब्राइट स्टार स्कुलले पद्य माविलाई ३०—२ अंक र बासु माविले तारा माविलाई ९—८ अंकले पराजित गरी विजेता टोली ब्राइट स्टार र बासु मावि सेमिफाइनलमा पुग्न सफल भएका छन् । सेमिफाइनलका खेलहरु मंगलबार हुने आयोजक समितिले जनाएको छ ।