महामारी व्यवस्थापन पूर्वतयारी तथा प्रतिकार्य योजना निर्माणबारे अभिमुखीकरण सम्पन्न

भक्तपुर नगरपालिकाका प्रमुख सुनिल प्रजापतिको अध्यक्षतामा स्थानीय तहस्तरीय महामारी व्यवस्थापन पूर्व तयारी तथा प्रतिकार्य योजना निर्माणबारे एकदिने अभिमुखीकरण कार्यक्रम आज भक्तपुर नपाको सभाकक्षमा सम्पन्न भयो ।

कार्यक्रममा बोल्दै नगर प्रमुख प्रजापतिले महामारी आकस्मिक आउने र स्वास्थ्यसँग सम्बन्धित विषय भएको बताउँदै उहाँले भक्तपुर नपाले विपद् व्यवस्थापन कोष खडा गरी घटनाको प्रकृतिअनुसार पीडितलाई आर्थिक सहयोग गर्दै आएको बताउनुभयो ।

कार्यक्रममा स्वास्थ्य कार्यालय भक्तपुरका प्रमुख अस्मिता ओझाले महामारी व्यवस्थापन पूर्वतयारी कार्यक्रमको उद्देश्य विभिन्न किसिमका रोग, महामारी, विपद्को कारण सृजित आपतकालीन अवस्थामा तत्काल स्वास्थ्य सेवा पु¥याउने रहेको बताउनुभयो ।

सोही कार्यक्रममा जिल्ला जनस्वास्थ्य कार्यालय महामारीका स्रोतव्यक्ति दिपक अछामीले भक्तपुर जिल्लाको स्वास्थ्य आकस्मि योजनाबारे प्रस्तुतीकरण दिनुभएको थियो ।

अभिमुखीकरण कार्यक्रममा नगर उपप्रमुख रजनी जोशी, प्रमुख प्रशासकीय अधिकृत वसन्त भट्टराई, वडाध्यक्षहरु, ख्वप अस्पतालका प्रतिनिधि, शाखा प्रमुखहरुलगायतको उपस्थिति रहेको थियो ।