काल्हाँचा क्षेत्रमा रिटेनिङ वाल निर्माणबारे आयोजना प्रतिनिधिहरुसँग छलफल
भक्तपुर । २०८० फागुन ४, शुक्रबार ।
भक्तपुर नगरपालिकाका प्रमुख सुनिल प्रजापतिको अध्यक्षतामा सम्बन्धित वडा नं. ५ का वडाध्यक्ष, सडक विभाग सूर्यविनायक–धुलिखेल सडक विस्तार आयोजनाका प्रतिनिधिहरुको बैठक बस्यो । बैठकले भक्तपुर नगरपालिका र सडक विभाग सूर्यविनायक–धुलिखेल सडक विस्तार आयोजनाका प्रतिनिधिहरुबीच भएको उक्त छलफलले स्थानीय बासिन्दा र अन्य सडक प्रयोगकर्ताहरुलाई अप्ठेरो नपर्ने गरी दुवै पक्षका प्राविधिकहरुबीच छलफल गरी यातायात आवागमन सहज हुने गरी आवश्यक व्यवस्था गर्ने निर्णय ग¥यो ।
नेपाल सरकारको लागतमा सूर्यविनायकदेखि साँगासम्म रु. ३ अर्ब ९० करोड र साँगादेखि धुलिखेलसम्म रु. ४ अर्ब गरी करिब रु. ८ अर्बको लागतमा उक्त सडक निर्माण भइरहेको हो ।