बागमती प्रदेश स्वास्थ्यमन्त्री उत्तम जोशीद्वारा ख्वप अस्पताल निरीक्षण
भक्तपुर । २०८० असार २२ गते, शुक्रबार
बागमती प्रदेशका स्वास्थ्यमन्त्री उत्तम जोशीले शुक्रबार भक्तपुर नगरपालिकाद्वारा सञ्चालित च्याम्हासिंहस्थित ख्वप अस्पताल र ब्रम्हायणीस्थित ख्वप अस्पतालको अन्तरंग सेवाको स्थलगत निरीक्षण गर्नुभएको छ । मन्त्री जोशीलाई भक्तपुर नगरपालिकाका प्रमुख सुनिल प्रजापतिले भादगाउँले टोपी, पुष्पगुच्छा र खादाले अस्पताल परिसरमा स्वागत गर्नुभएको थयो ।
मन्त्री जोशीले अस्पतालको इमर्जेन्सी सेवा, ल्याब सेवा, भिडियो एक्सरे सेवा, एक्स रे सेवा, अक्सिजन प्लान्ट आदिको निरीक्षण समेत गर्नुभएको थियो । निरीक्षणका क्रममा उहाँले ख्वप अस्पतालमा उपचाररत बिरामीहरुसँग भेटी बिरामीहरुको स्वास्थ्य अवस्था र अस्पतालबाट प्रवाहित स्वास्थ्य सुविधाको प्रभावकारिता र अस्पतालको आगामी योजनाबारे जानकारी हासिल गर्नुभयो । मन्त्री जोशीले स्थानीय सरकारले स्वास्थ्य क्षेत्रमा पु¥याएको योगदान उल्लेखनीय रहेको बताउँदै ख्वप अस्पताललाई आवश्यक सहयोग गर्न बागमती प्रदेश सरकार सँधै सकारात्मक रहेको बताउनुभयो । उहाँले बागमती प्रदेशअन्तर्गत रहेका अस्पतालको व्यवस्थापन र स्तरोन्नति गर्नेतर्फ प्रदेश सरकारको ध्यान केन्द्रित भएको बताउँदै आगामी दिनहरुमा पनि ख्वप अस्पतालको लागि आवश्यक सहयोग गर्ने प्रतिबद्धता जनाउनुभयो ।
निरीक्षणमा नेमकिपा बागमती प्रदेश सभा सदस्य सुरेन्द्रराज गोसाइँ, भक्तपुर नपाका उपप्रमुख रजनी जोशी, भनपा वडा नं. ९ का वडाध्यक्ष रबिन्द्र ज्याख्व, भक्तपुर अस्पताल व्यवस्थापन समितिका अध्यक्ष रमण कायस्थ र अस्पतालका निम्ति मेडिकल डाइरेक्टर मजेशप्रतापको उपस्थिति रहेको थियो ।
![](https://scontent.fktm1-1.fna.fbcdn.net/v/t39.30808-6/358556323_646390707543732_7819883801025810035_n.jpg?stp=dst-jpg_p526x395&_nc_cat=107&ccb=1-7&_nc_sid=3635dc&_nc_ohc=hm-HRjTLFFwAX-mQx-0&_nc_ht=scontent.fktm1-1.fna&oh=00_AfCfB-6VtJ3Cs14rTSkjHw4BTF7XE8pcBWgHflHVeK-nWA&oe=656DAEC5)
![](https://scontent.fktm1-1.fna.fbcdn.net/v/t39.30808-6/358534252_646390480877088_5108740432822686230_n.jpg?stp=dst-jpg_p526x395&_nc_cat=107&ccb=1-7&_nc_sid=3635dc&_nc_ohc=NXOg9O20fWoAX9cHDv8&_nc_ht=scontent.fktm1-1.fna&oh=00_AfDLAL-Y6nIr2KCcp_lcBXYhN0L2EW3AGu5eKEYEsa-MVA&oe=656E0E8B)
![](https://scontent.fktm1-1.fna.fbcdn.net/v/t39.30808-6/358354087_646390700877066_5006475070433286989_n.jpg?stp=dst-jpg_p526x395&_nc_cat=110&ccb=1-7&_nc_sid=3635dc&_nc_ohc=9CcYEFqX-DEAX_kxNvR&_nc_ht=scontent.fktm1-1.fna&oh=00_AfBYehIMgYYnFV_JkscTnGk3fzwCGZchqvKh_rcGCPrFCQ&oe=656ECC05)
![](https://scontent.fktm1-1.fna.fbcdn.net/v/t39.30808-6/358120288_646391044210365_6444314299081570655_n.jpg?stp=dst-jpg_p526x395&_nc_cat=106&ccb=1-7&_nc_sid=3635dc&_nc_ohc=drW9sOZCGN4AX-X4mSG&_nc_ht=scontent.fktm1-1.fna&oh=00_AfD4RFhTsyT61P0857o7augBRnojMSHDygv566tfX4dspQ&oe=656D90DE)