जनतासँग सहकार्यमा कोभिडको प्रतिरोध

(माघ २९ गतेबाट सुरु भएको भक्तपुर नगरपालिकाको आठौँ नगरसभाको उद्घाटन कार्यक्रममा भनपा उपप्रमुख जोशीद्वारा व्यक्त मन्तव्य–सं.)

देशमा प्रजातन्त्र प्राप्तिका लागि आफ्नो जीवन उत्सर्ग गर्नुहुने सम्पूर्ण सहिदहरूप्रति हार्दिक श्रद्धासुमन अर्पण गर्दछु । समाज परिवर्तनको लागि महत्वपूर्ण योगदान दिनुहुने सम्पूर्ण आदरणीय व्यक्तित्वहरूप्रति उच्च सम्मान व्यक्त गर्दछु ।
आज हामी यस आठौँ नगरसभासम्म छौँ । लगभग एक वर्ष कोरिना भाइरस (कोभिड–१९) को जटिल परिस्थितिबाटै हामी अघि बढिरहेका छौँ । हाल युरोपेली देशहरू आक्रान्त छन् छिमेकी देशमा सङ्क्रमित भइरहेको कुरा समाचारहरूले देखाइरहेका छन् । यसले मानव विकासको हरेक पक्षमा नकारात्मक असर परिरहेको छ । यसले मानव विकासको क्रममा मानव जातिलाई नै ठूलो पाठ सिकाएको छ । यस कोभिड–१९ ले भनपाका गत हप्ताको तथ्याङ्कअनुसार १८०० नगरवासीहरू सङ्क्रमित भइसकेका छन् भने ४६ जनाले ज्यान गुमाइसकेका छन् । यस सङ्क्रणबाट बच्न हामी आफै स्वास्थ्य मापदण्ड अपनाएर सचेत भई अघि बढ्नु बुद्धिमानी हुनेछ । यसो गर्नसके मात्र समाजलाई सुरक्षित बनाउने लक्ष्य लिएर अघि बढिरहेको यो नगरपालिका ‘स्वस्थ नगर, सुरक्षित नगर’ को गन्तव्यमा पुग्न सक्छ । यस चुनौतीपूर्ण समयमा नगरका विभिन्न सङ्घ संस्था एवं नगरवासीहरूको साथ र सहयोगको लागि भनपा आभार व्यक्त गर्दछ । आउँदा दिनहरूमा पनि यसरी नै देशमा आइपर्ने चुनौतीहरूमा हातेमालो गर्न साथ दिनुहुने अपेक्षा नगरपालिकाले राखेको छ ।
यही कोभिडबाट हाम्रा ८ जना जनप्रतिनिधि र ९ जना कर्मचारी सङ्क्रमित हुनुभयो । त्यसमध्ये १ जना वडाध्यक्षलाई दोहोरिएर सङ्क्रण भयो भने १ जना कर्मचारीको अहिलेसम्म पूर्ण स्वाथ्य लाभ भएको छैन । यस कोरोना भाइसरबाट मृत्यु हुने सम्पूर्णमा भनपा समवेदना व्यक्त गर्दछ र सङ्क्रमित सम्पूर्णको शीघ्र स्वास्थ्य लाभको कामना गर्दछ । हामीलाई नेपाल मजदुर किसान पार्टीले दिएको मार्ग निर्देशनलाई÷घोषणापत्रलाई आत्मसात गरेर काम अघि बढिरहेको यहाँहरू सम्पूर्णमा बिदित्तै छ । सोहीअनुरूप धेरै हदसम्म उपलब्धि हासिल भइरहेको यहाँहरूले देखिरहनुभएको छ । हामीले शिक्षा÷स्वास्थ्यलाई प्राथमिकतामा राखेर काम अघि बढाइरहेका छौँ । यस पुर्खाले सिर्जेको सम्पत्ति, हाम्रो कला र संस्कृतिलाई अद्यावधिक गर्दै पुस्तान्तरण गर्दै जीविकोपार्जनको माध्यम बनाउँंदै अघि बढाउँदै छौँ । कोभिड–१९ को कारणले गर्दा विकास निर्माण÷पुनः निर्माण र समाज निर्माणमा गतिरोध भएको छ । अबका दिनमा यसलाई नपाको क्षमताअनुसार अघि बढाइने यहाँहरूमा विश्वास दिलाउन चाहन्छु । फेरि एकपल्ट अवस्था सामान्य हुँदै गएपछि मेयरज्यूले चुनावको दौरानमा भन्नुभएझैँ हामीले बाँकी कार्यकाल चार गुणा काम गर्नेछौँ’ । पछि आउने टोलीलाई एउटा आधार पत्र तयार गर्ने विश्वास दिलाउन चाहन्छु । आउँदो पुस्ताले सोही आधारपत्रअनुसार सांस्कृतिक नगर भक्तपुरलाई पूर्णरूपमा संरक्षित नगर ÷ज्ञान विज्ञान र प्रविधिको ‘आत्मनिर्भर’, सुपरिचित भक्तपुर नगरको रूपमा विश्वसामु गनिनेमा हामी जनप्रतिनिधिहरू विश्वास दिलाउन चाहन्छौँ । यस गौरवशाली लक्ष्यमा पुग्न नगरका सम्पूर्ण बुद्धिजीजी÷सङ्घ–संस्था÷नगरवासीहरूको साथ अपरिहार्य छ । भनपा परिवार यहाँहरूको साथ पाउनेमा विश्वस्त छौँ । अब हामीसँग १ वर्षको समयावधि बाँकी रहेकोले एकजुट भई अघि बढ्नुपर्छ । आठौँ नगरसभामा उपस्थित सम्पूर्णमा पुनः स्वागत गर्दै बिदा हुन्छु ।