ऐतिहासिक ङातापोल्ह“ मन्दिर जीर्णोद्धार निर्देशक समितिको बैठक सम्पन्न
२०७७ साउन २३ गते, शुक्रबार
भक्तपुर नगरपालिकाका प्रमुख एवम् ऐतिहासिक ङातापोल्ह“ मन्दिर जीर्णोद्धार निर्देशक समितिका अध्यक्ष सुनिल प्रजापतिको अध्यक्षतामा शुक्रबार समितिको बैठक बस्यो ।
बि.सं. २०७२ सालको विनाशकारी भूकम्पबाट क्षतिग्रस्त ऐतिहासिक ङातापोल्हँ मन्दिरको जीर्णोद्धार कार्य भक्तपुर नगरपालिकाको आर्थिक लागतमा २०७६ कार्तिक महिनाबाट सुरु भई २०७७ असार मसान्तसम्ममा कार्य सम्पन्न भयो ।
बैठकले स्थानीय जनताको व्यापक जनश्रमदान तथा आर्थिक सहयोग समेत प्राप्त भई निर्धारित समयावधिभित्रै मन्दिरको जीर्णोद्धार कार्य सम्पन्न भएकोमा उपभोक्ता तथा अनुगमन समितिमा रही सक्रियातापूर्वक जिम्मेवारी बहन गर्ने पदाधिकारीहरु, निर्देशक समिति र प्राविधिक समितिमा रहेर महत्वपूर्ण कार्य गर्ने पदाधिकारी र प्राविधिक सल्लाहकारहरु, जीर्णोद्धार कार्यमा खट्नुहुने दक्ष तथा अर्धदक्ष डकर्मी, सिकर्मी, पोलँकर्मी, ल्होँकर्मी र ज्यामीहरु, जनश्रमदान एवम् आर्थिक सहयोग गर्ने विभिन्न संघ–संस्था, दाफा, गुठी, टोलबासी र अन्य महानुभावहरु, सुरक्षाकर्मी र पत्रकार मित्रहरु सम्पूर्णमा हार्दिक धन्यवाद ज्ञापन गर्ने निर्णय ग¥यो ।
बैठकमा उपभोक्ता समितिका अध्यक्ष केशव तम्खूले भक्तपुर नगरपालिका वडा नं. ५ टौमढीस्थित विश्व सम्पदा सूचीमा सूचीकृत ऐतिहासिक धरोहर ङातापोल्हँ मन्दिर जीर्णोद्धार कार्यसम्बन्धी हालसम्मको प्रगति प्रतिवेदन पेश ग¥यो ।
साथै ङातापोल्ह“ मन्दिर जीर्णोद्धार निर्देशक समितिका सदस्यहरुले उपभोक्ता समितिमार्फत लागत अनुमान भन्दा कम खर्चमा जीर्णोद्धार कार्य सम्पन्न हुनु, पर्याप्त श्रमदान र आर्थिक तथा भौतिक सहयोग प्राप्त हुनु, तोकिएको समयमा कार्य सम्पन्न हुनु, स्थानीय सीप, स्रोत र साधन प्रयोग गरी मौलिकता जोगिने गरी संरक्षण हुनु उदाहरणीय कार्य भएको बताउनुभयो ।
प्रतिवेदनमा ङातापोल्ह“ मन्दिर संरक्षण कार्यको लागि भक्तपुर नगरपालिकाको तर्फबाट रु.६५,१३,३५८। २७ विनियोजन भएकोमा विभिन्न सहृदयी महानुभावहरूबाट रु.१५,४७,५६९।– आर्थिक सहयोग प्राप्त भएको र यसका साथै भैरवनाथ मन्दिरबाट १६०० वटा र ख्वप इन्जिनियरिङ कलेजबाट ११० वटा गरी जम्मा १७१० वटा बा“स, तिलमाधव नारायण मन्दिर, लोकेश्वर मन्दिरलगायत विभिन्न महानुभावहरूबाट १७६७० झिंगटी, ४०० भन्दा बढी क्वपूअपा, ४ वटा ग्वंग अपा, १ वटा घोडा अपा र माटो लगायत विभिन्न सामग्रीहरू गरी जम्मा रु. ५,६३,७००।– सहयोगको रुपमा प्राप्त भएको उल्लेख छ ।
साथै ङातापोल्ह“ मन्दिर संरक्षणको लागि झिंगटी सफा गर्न १५ समूहबाट ३२१ जना र छाना छाउनको लागि ५४ समूहबाट ३८६६ जना गरी जम्मा ४१८७ जना सम्पदाप्रेमी महानुभावहरूले श्रमदान गर्नुभएको अध्यक्ष तम्खूले बताउनुभयो ।
उक्त प्रतिवेदनमा मन्दिर संरक्षण कार्यको सिलसिलामा संरक्षण कार्य अवधिभर ज्यामी, मिस्त्री, सिकर्मी, ताम्रकर्मी र पोल्हँकर्मी समेत गरी जम्मा २,३६१ जनाले ज्यालामा काम गरेको र उक्त संख्याको करिब दोब्बर जनताले श्रमदान गरी जनताको धरोहर संरक्षण कार्यमा योगदान गरेकोउल्लेख छ ।
न्यातापोल मन्दिर संरक्षण कार्यको लागि पहिलो पेश्की स्वरुप रु. ३० लाख र चन्दा रकम रु.१५,४७,५६९।– गरी जम्मा रु.४५,४७,५६९।– उपभोक्ता समितिलाई प्राप्त भएकोमा व्यापक जनश्रमदान र विभिन्न महानुभावहरूले उपलब्ध आर्थिक तथा भौतिक सहयोगबाट जम्मा नगद रु.३८,७७,६२८।४१ को खर्चमा इष्टिमेट अनुसारको सम्पूर्ण कार्य सम्पन्न भएको र उक्त खर्च रकम मध्ये ज्याला तर्फ २६,१७,५००।–, सामग्रीतर्फ ११,०२,४७८।४१ र भाडातर्फ १,५७,६५०।– खर्च भई बा“की रकम रु.६,६९,९४०/५९ भक्तपुर नगरपालिकालाई फिर्ता गसिकेको प्रतिवेदनमा उल्लेख छ ।