भनपाका जनप्रतिनिधिहरुबीच आयुर्वेद उपचार विधिबारे अभिमुखीकरण कार्यक्रम सम्पन्न

भक्तपुर नगरपालिकाका प्रमुख सुनिल प्रजापतिले बिहिबार भनपाका जनप्रतिनिधिबीच आयुर्वेद उपचार विधिबारे भएको अभिमुखीकरण कार्यक्रममा बोल्नुहुँदै वर्तमान समयमा वैकल्पिक चिकित्साको रुपमा अगाडि बढिरहेको आयुर्वेद उपचार विधिको व्यापक प्रसार प्रसार गर्नुपर्ने बताउनुभयो ।
उहाँले आप्mनो घर वरिपरि पाइने विभिन्न आर्युवेदिक औषधी सेवन नगरीकन रोगलाई रोक्ने प्रयास गर्नुपर्ने र महंगा औषधिभन्दा आयुर्वेद औषधि सस्तो र सुलभ भएकोले जनचेतना अभिवृद्धि गर्नुपर्ने बताउनुभयो ।

भक्तपुर नगरपालिकाले १०० शैंयाको ख्वप अस्पताल निर्माण गर्न लागेको बताउनुहुँदै उहाँले आगामी दिनमा १० वटै वडामा आयुर्वेदिक उपचार सेवा पुर्‍याउन जिल्ला आयुर्वेद स्वास्थ्य केन्द्र तत्पर रहनुपर्ने बताउनुभयो ।

कार्यक्रममा आयुर्वेदिक सेवा केन्द्र, भक्तपुरका कार्यालय प्रमुख डा. नडन कँडेलले आयुर्वेदसम्बन्धी, डा. बैकुण्ठ सुवेदीले तनाब व्यवस्थापनसम्बन्धी र चाइनिज मेडिसिन विशेषज्ञ प्रचण्ड तिवारीले कोभिड–१९ (नोबेल कोरोना भाइरस) सम्बन्धी र योग प्रशिक्षक लेखनाथ ढकालले योगसम्बन्धी जानकारीमूलक प्रस्तुतिकरण सहित प्रशिक्षण दिनुभएको थियो ।