प्रधानसेनापति अन्तर विद्यालय टी २० रनि· क्रिकेटको उपाधि सैनिक आवासीय महाविद्यालयलाई

सैनिक आवासीय महाविद्यालयको १३ औं प्रधानसेनापति अन्तरविद्यालय टी २० रनि· क्रिकेट प्रतियोगिता २०७६ को उपाधि सैनिक आवासीय महाविद्यालयले हासिल गरेको छ । नेपाली सेनाका बलाध्यक्ष रथी गौरव तन्दुलको प्रमुख आतिथ्यतामा सम्पन्न पुरस्कार वितरण समारोह बिहीबार महाविद्यालय परिसरमा सम्पन्न भयो ।

प्रमुख अतिथि रथी तन्दुलले प्रधानसेनापति अन्तर विद्यालय टी २० रनिङ क्रिकेटमा प्रथम हुन सफल खेलाडी टोलीलाई नगद रु. १,००,०००।–, ट्रफी र प्रमाणपत्र वितरण गर्नुभएको थियो ।

कार्यक्रमका विशेष अतिथिहरू भक्तपुर नगरपालिकाका प्रमुख सुनिल प्रजापति, सानका वर्तमान अध्यक्ष तथा नेपाली सेनाका अवकाश प्राप्त मानार्थ उपरथी ताराबहादुर कार्की, कल्याणकारी योजनाका सागरबहादुर केसी, क्यानका भूतपूर्व अध्यक्ष विनयराज पाण्डे र महाविद्यालयका सम्पर्क अधिकृत तथा प्रमुख सेनानी अनुप शाहले प्रतियोगितामा द्वितीय, तृतीय स्थान हासिल गर्ने र सहभागी खेलाडीहरुलाई प्रमाणपत्र, मेडल, नगद पुरस्कार र ट्रफी वितरण गर्नुभएको थियो ।

पुरस्कार वितरण कार्यक्रमका केही झलकहरू