चौतारा साँगाचोकगढी नगरपालिकाका वडाध्यक्ष सहितको टोली भक्तपुर नपामा
२०७६ माघ १३ गते, सोमबार
भक्तपुर नगरपालिकाका प्रमुख सुनिल प्रजापतिले चौतारा साँगाचोकगढी नगरपालिका–५ नं वडाका वडाध्यक्ष नरमान श्रेष्ठ (पालिखे) सहितको टोलीसँग भेट गर्यो ।
भेटमा प्रमुख प्रजापतिले भक्तपुर नगरपालिकाले गरिरहेको सम्पदा संरक्षण, विभिन्न कलेजहरु संचालन, ब्यायम स्थल व्यवस्थापन, सीपमूलक तालिमहरु संचालन सम्बन्धी जानकारी गराउनुभयो ।
उपभोक्ता समिति मार्फत स्थानीय भौतिक र आर्थिक सहयोग जुटाई संरक्षण कार्य गर्दा कम लागतमा बलियो र मौलिकता संरक्षण हुने बताउनुहुँदै भनपाले घरघरमा नर्सिङ सेवा प्रदान गरिरहेको र ख्वप अस्पताल निर्माण भइरहेको उहाँले जानकारी गराउनुभयो ।
वडाध्यक्ष श्रेष्ठ सहितको टोलीले भक्तपुर नगरपालिकाले गरिरहेको विभिन्न खेलकुद गतिविधि, तालिम र प्रतियोगितासम्बन्धी जानकारी लिनुभयो ।
टोलीले सोमबार भक्तपुर दरबार क्षेत्र र टौमढी क्षेत्रमा अवस्थित सम्पदाहरुको अवलोकन गर्नुहुँदै २०७२ सालको भूकम्पपश्चात भइसकेको तथा भइरहेको सम्पदा पुनःनिर्माणको स्थलगत अवलोकन पनि गरेको थियो ।