भक्तपुर नगरपालिकाको आयोजनामा भक्तपुर नगरव्यापी विद्यालयस्तरीय खेलकुद प्रतियोगितासम्बन्धी छलफल सम्पन्न

भक्तपुर नगरपालिकाका उपप्रमुख रजनी जोशीको उपस्थितिमा भक्तपुर नगरव्यापी विद्यालयस्तरीय विभिन्न खेलहरुको प्रतियोगितासम्बन्धी छलफल मंगलबार भनपा सभाकक्षमा सम्पन्न भयो ।

भक्तपुर नगरपालिकाको आयोजनामा हरेक वर्ष नियमित रुपमा भइरहेको खेलकुद प्रतियोगिता यस वर्ष यही मिति २०८२ मंसीर २५ गतेबाट शुरु हुनेछ । छलफल कार्यक्रममा भनपा वडा नं‍ १ का वडाध्यक्ष एवं खेलकुद समितिका संयोजक श्यामकृष्ण खत्री, खेलकुद समितिका पदाधिकारीहरु, विभिन्न खेल संघका प्रतिनिधिहरु, प्रशिक्षक र रेफ्रिहरुको उपस्थिति रहेको थियो ।

आगामी मंसीर २५ गते हुने भक्तपुर नगरव्यापी विद्यालयस्तरीय खेलकुद प्रतियोगितामा टेबल टेनिस, भलिबल, फुटबल, कब्बडी, खो-खो, एथलेटिक्स, बुद्धिचाल, ब्याडमिन्टन, कराँते,उसु, तेक्वाण्डो, पोर्टबल, कसिमला पाँय्, जिम्नास्टिक र बाघचाल गरी १५ वटा खेलहरु समावेश हुनेछन् ।