“यो घटनाले नेपाल अर्बुद रोग निवारण संस्थामा लागेका सम्पूर्ण समाजसेवीहरूको शिर निहुरिन पुगेको छ”, वक्तव्यमा भनिएको छ ।
वक्तव्यमा संस्थाको वृहत हितलाई ध्यानमा राखी आरोपित व्यक्तिहरूले नैतिकताको आधारमा आफ्नो पदबाट अलग भई निष्पक्ष छानबिनमा सहयोग गर्ने आशा व्यक्त गरिएको छ ।
वक्तव्यमा अघि भनिएको छ, “भक्तपुर क्यान्सर अस्पतालमा यस शाखाबाट प्रतिनिधित्व गरी केन्द्रमा महासचिव भई कार्यरत विमलकुमार होडाको कम्पनी भरोसा सर्भिस प्रा.लि.बाट (व्यवसायिक तथा आर्थिक लाभको कार्य) श्रमिक आपूर्तिको ठेक्कापट्टामा प्रत्यक्ष संलग्नता रहेको भन्ने समेत पुष्टि हुन आएको र भक्तपुर क्यान्सर अस्पताल नै संस्थाअन्तर्गत नरहने अवस्थाले संस्थाको अहित हुने कार्य गरेको ठहर भई विधानको दफा ३५ (ङ) (च) समेत आकर्षित हुने हुनाले विधानको सोही दफाअनुसार सदस्यता समेत नरहने अवस्थाको सिर्जना भएकोले यस जिल्ला कार्य समितिको निर्णयअनुसार केन्द्रीय कार्य समितिको ध्यानाकर्षण गराउन चहान्छौं ।”