भक्तपुर नगरपालिका सहकारी अनुगमन समितिले बुधबार भक्तपुर नगरपालिका वडा नं। १ स्थित बचत तथा ऋण सहकारी संस्था लि। मा अनुगमन ग¥यो ।
अनुगमनका क्रममा उक्त सहकारीले आ.व. २०७९।८० देखि लेखा परीक्षण नगराएको पाइएको छ भने वार्षिक साधारणसभा पनि नगरेको देखिन्छ । १ वर्षदेखि सञ्चालक समितिको बैठक पनि बस्न नसकेको र सहकारीका पूर्व कर्मचारी र सञ्चालक समितिका पदाधिकारीहरुले आफ्नो दायित्व नबुझाएको सहकारी अनुगमन समितिका संयोजक हरिप्रसाद बासुकलाले जानकारी गराउनुभयो । विना धितोमा ऋण प्रदान गरिएकोले ऋण उठाउन नसकेको कारणले गर्दा बचत फिर्ता गर्न नसकेको अनुगमनका क्रममा देखिएको छ ।
सञ्चालक समितिको बैठक बसी लेखा परीक्षण स्वीकृतिको लागि नगरपालिकामा स्वीकृति लिनुपर्ने, साधारणसभाको निर्णय गर्नुपर्ने र ऋण उठाई बचत फिर्ता दिनुपर्ने सुझाव अनुगमनका क्रममा सञ्चालक समितिलाई दिइयो ।
अनुगमनमा सदस्यहरु श्यामसुन्दर मातां, हरिरत्न गोर्खाली, कृष्णगोपाल चौगुठी, तारादेवी शाक्य, सहकारी शाखा प्रमुख रेबिड कुस्माको सहभागिता थियो ।