भक्तपुरलाई ज्ञान विज्ञानको केन्द्र, जीवीत संग्राहलय तथा सांस्कृतिक नगर निर्माण गर्ने नीति अनुरुप कला संस्कृतिको जगेर्ना तथा सम्पदाको पुननिर्माणका कार्यहरु भईरहेको ब्यहोरा यहाँहरुलाई अवगत नै छ । २०५८ सालदेखी सोच बनाई थालनी भएको यस भाजु पुखु र जलेश्वर मन्दिर पुननिर्माण कार्यले आज यस क्षेत्रलाई पुनर्जीवन प्रदान गरेको छ । भौतिक संरचनाले पुनर्जीवन प्राप्त गरेसँगै यसको ईतिहास, महत्व, अवस्था र पुननिर्माणका सन्दर्भमा भएका प्रयासहरुको बारेमा आम नागरिकहरुलाई आजै सार्वजनिक गरिएको “भाजु पुखु तथा जलेश्वर मन्दिर पुननिर्माण ” नामक पुस्तकबाट ज्ञान हासिल गर्ने सुअवसर प्राप्त भएको छ ।
सभ्यता विकास र जीवन निर्बाहको प्रमुख आधार पानी हो । काठमाडौ उपत्यकाको ईतिहास अध्ययन गर्दा पानीको संरक्षका लागि यसको स्रोतको आधारका रुपमा रहेका पोखरी, ईनार, कुवा, ढुङ्गेधारा निर्माण गर्ने संस्कारको विकास भएको पाईन्छ । यसका अलावा उपत्यका अझै विशेष गरी भक्तपुरका पोखरीहरुमा विभिन्न धार्मिक, साँस्कृतिक मान्यता र विश्वास हरु समेत जोडिएका छन् । जस्तै उदाहरणका लागि तलेजु मन्दिर भित्र रहेको दुमाजु पोखरीमा रुञ्चे लागेका बच्चाबच्चीलाई आईतबार वा विहीबारका दिन मुख धुवाएमा रुञ्चे निको हुन्छ मान्यता रहेको छ भने पोखरीको डिलमा रहेका नेवार समुदायका ईष्ट देवता प्रतिको आस्था होस् वा नित्यकर्मका लागि पोखरीको पानीको प्रयोग होस यी पोखरीहरु हाम्रो जीवनपद्धतिसँग जोडिएका छन् ।
यस नगरका अन्य पोखरीहरु जस्तै यस पोखरीको पुननिर्माणका माध्यमबाट पनि भक्तपुरको शोभा र महत्व बढ्दै जानेछ भने पर्यटकीय गतिविधिमार्फत यस क्षेत्रमा नागरिकहरुको आर्थिक गतिविधिमा बढोत्तरी हुने अपेक्षा गरिएको छ । प्राकृतिक रुममा जल पुनर्भरण गर्न सहयोगी हुनेछ भने जलेश्वर मन्दिरले धार्मिक गतिविधि र धार्मिक पर्यटनमा टेवा पु¥याउने छ ।
अब उप्रान्त पनि यस पोखरीको सौन्दर्य प्रवद्र्धनका लागि सरसफाई, फुलबारी र विरुवा संरक्षण, सम्बद्र्धन तथा पर्यटकीय गतिविधि सञ्चालन र विकासका लागि आम जनसमुदाय, स्थानीयबासी नागरिक, जनप्रतिनिधि लगायत लाई सक्रिय सहभागिताका लागि आग्रह गर्दछु भने जनहितको साझा उदेश्य बोकेको यस जिल्लाकै पुरानो क्याम्पस भक्तपुर क्याम्पसबाट पनि यस पोखरी र मन्दिरको संरक्षण र प्रवद्र्धनका लागि सबै प्रकारका सहयोगको अपेक्षा गर्दछु ।
अन्त्यमा लोप नै हुन लागेको यस पोखरीलाई हालको अवस्थामा ल्याउन सहयोग पु¥याउनु हुने अध्ययन समितिका संयोजक पुरुषोत्तमलोचन श्रेष्ठ लगायत सदस्यज्यूहरु, उपभोक्ता समितिका संयोजकहरु लक्ष्मीनारायण दुमरु, कृष्णप्रसाद दुमरु, केशव कोजु, जीवन दुलाल लगायत जनप्रतिनिधिहरु, समाजसेवी, स्थानीयबासी, सम्पूर्णलाई हार्दिक आभार प्रकट गर्दछु ।
आजको यस भब्य कार्यक्रममा आफ्नो अमूल्य समय र मार्गदर्शन प्रदान गर्नुहुने यस समारोहका प्रमुख अतिथि नेपाल मजदुर किसान पार्टीका श्रद्धेय अध्यक्ष नारायणमान विजुक्छे (रोहित) ज्यूप्रति हार्दिक आभार प्रकट गर्दछु साथै हामीलाई निरन्तर मार्गनिर्देश गर्नुहुने प्रदेश सभा सदस्य सुरेन्द्रराज गोसाईलाई हार्दिक धन्यवाद प्रदान गर्दछु । हाम्रो निमन्त्रणलाई सहस्र स्वीकार गरी आफ्नो ब्यस्त समयका बाबजुद कार्यक्रममा उपस्थित शोभा बढाउनु भएका प्रमुख जिल्ला अधिकारी श्री रोशनीकुमारी श्रेष्ठज्यू, पुरातत्व विभागका महानिर्देशक श्री सौभाग्य प्रधानाङ्गज्यू, ईतिहासविद् डा। पुरुषोत्तमलोचन श्रेष्ठज्यू, पूर्व न्यायधिश श्रीमान गौरीबहादुर कार्की ज्यू, भक्तपुर बहुमुखी क्याम्पसका क्याम्पस प्रमुख ज्यू विभिन्न कार्यालयका कार्यालय प्रमुख लगायत सम्पूर्ण अतिथिहरुलाई हार्दिक धन्यबाद ज्ञापन गर्न चाहन्छु । आज यस कार्यक्रमका सम्मानित हुने सम्पूर्ण महानुभावहरुलाई हार्दिक बधाई प्रदान गर्दछु साथै आजको यस समारोहलाई यस क्षणमा ल्याई पु¥याउन खटिने जनप्रतिनिधि, कर्मचारी लगायतका सम्पूर्ण महानुभावलाई धन्यवाद प्रदान गर्दै नागरिक सेवालाई मूलमन्त्र मान्ने आदरणीय नगर प्रमुख तथा उपप्रमुख लगायत नगरपालिकाका सम्पूर्ण जनप्रतिनिधिज्यूहरु, शाखा प्रमुख लगायतका कर्मचारी साथीहरु लगायतका महानुभावहरुलाई हार्दिक आभार सहित धन्यवाद प्रदान गर्दै मेरो भनाई यही टुङ्गयाउँछु । धन्यबाद, नमस्कार ।
(२०८० फागुन २५ गते सम्पन्न भक्तपुरको भाजु पुखू र जलेश्वर मन्दिर उद्घाटन कार्यक्रममा भक्तपुर नपाका प्रमुख प्रशासकीय अधिकृत वसन्त भट्टराईद्वारा व्यक्त धन्यवादज्ञापन मन्तव्य)