प्राध्यापक माणिकलाल श्रेष्ठप्रति श्रद्धाञ्जली

वाम बुद्धिजिवी एवम् वरिष्ठ समालोचक प्राध्यापक माणिकलाल श्रेष्ठको अन्त्येष्टि आज काठमाडौंको शोभा भगवती कर्णदीपमा भयो । दिवंगत प्राध्यापक माणिकलाल श्रेष्ठको पार्थिव शरीरमा नेमकिपाका सचिव एवम् संघीय सांसद प्रेम सुवाल, नेमकिपाका केन्द्रीय सदस्य एवम् भक्तपुर नगरपालिकाका प्रमुख सुनिल प्रजापतिलगायत वडाध्यक्ष, प्राध्यापकलगायतले श्रद्धाञ्जली अर्पण गर्नुभयो ।
त्यसैगरी प्रा. श्रेष्ठलाई श्रद्धाञ्जलीका लागि विभिन्न राजनीतिक दलका नेताहरु, पूर्वसभामुख, बुद्धिजीवी, शिक्षक, विद्यार्थी, आफन्तजनलगायत शोभा भगवती पुगेका थिए । लामो समयदेखि मृगौला र मुटु रोगबाट पीडित श्रेष्ठको निधन ८९ वर्षकोउमेरमा उपचारको क्रममा सहिद गंगालाल हृदयरोग केन्द्रमा २०७७ साल चैत्र ३ गते भएको थियो भने आज परम्पराअनुसार उहाँको पार्थिव शरीरलाई अन्त्येष्टि गरिएको थियो ।

तस्बीर क्याप्सन ः प्राध्यापक माणिकलाल श्रेष्ठको पार्थिव शरीरमा श्रद्धाञ्जली अर्पण गर्नुहुँदै नेपाल मजदुर किसान पार्टीका सचिव एवम् संघीय सांसद प्रेम सुवाल र नेमकिपाका केन्द्रीय सदस्य एवम् भक्तपुर नगरपालिकाका प्रमुख सुनिल प्रजापतिलगायत कार्यकर्ताहरू ।