नगर प्रमुख प्रजापतिद्वारा हेटौडा सामुदायिक आँखा अस्पताल अवलोकन

भक्तपुर नगरपालिकाका प्रमुख सुनिल प्रजापतिले आज नेपाल आँखा कार्यक्रम तिलगंगा आँखा प्रतिष्ठानको पहिलो शाखाको रुपमा स्थापना भएको हेटौडा सामुदायिक आँखा अस्पतालको स्थलगत निरीक्षण तथा अवलोकन गर्नुभयो । नगर प्रमुख प्रजापतिलाई हेटौंडा आँखा अस्पतालका व्यवस्थापक सुधिर श्रेष्ठले अस्पतालले प्रदान गर्दै आएका सेवाहरु, आगामी योजना तथा गतिविधिबारेमा जानकारी गराउनुभयो ।

सोही क्रममा नगर प्रमुख प्रजापतिले भक्तपुर नगरपालिकाले पनि तिलगंगा आँखा प्रतिष्ठानसँग सहकार्य गरी ख्वप तिलगंगा आँखा अस्पताल सञ्चालन गरी आँखा उपचारको सेवा दिँदै आएको बताउनुभयो ।

अस्पतालका व्यवस्थापक सुधिर श्रेष्ठले उक्त अस्पतालमा आँखाजाँच, चस्मा जाँच, शल्यक्रिया सेवा, औषधि सेवा प्रदान गर्दै आएको बताउँदै अस्पतालले स्वास्थ्यसम्बन्धि जनचेतना प्रदान गर्न बिभिन्न तालिम र गोष्ठी आयोजना गर्दै आएको बताउनुभयो ।