भक्तपुर नगरपालिकाका प्रमुख सुनिल प्र्रजापतिले आज एक कार्यक्रमबीच वंशगोपाल फल्चा उद्घाटन गर्नुभयो ।
भनपा वडा नं. ३ मा पुनःनिर्मित फल्चाको उद्घाटन तथा हिसाब सार्वजनिकीकरण कार्यक्रमका प्रमुख अतिथि प्रजापतिले सम्पदाहरु पुनःनिर्माण र जिर्णोद्धार कार्य स्थानीय जनताबाट गठित उपभोक्ता समितिबाट गर्दा गुणस्तरीयता र मौलिकताको संरक्षण हुने भक्तपुरको अनुभव रहेको बताउनुभयो । उहाँले भन्नुभयो – “सम्पदा पुनःनिर्माणको काम ठेक्कामा दिनु हुन्न । ठेकेदारले नाफा मात्र हेर्छ, गुणस्तरीयता र सम्पदाको मौलिकताबारे ध्यान दिंदैन ।”
सरकारको भरमा मात्रै विकास गर्ने सोच राखेको भए भक्तपुर आजको अवस्थामा पुग्न नसक्ने बताउँदै “आप्mनो ठाउँको विकास आपैmले गर्ने भक्तपुरबासीहरुको सोचको परिणाम अहिलेको भक्तपुर हो” भन्नुभयो ।
उहाँले भक्तपुर पर्यटकीय गन्तव्य स्थलको रुपमा अगाडि बढिरहेको नगर हुँदा भक्तपुरबासीहरु अझ बढी सचेत भएर मौलिकता जोगाउन लाग्नुपर्नेमा जोड दिनुभयो ।
नजिकिंदै गरेको बिस्का जात्रा शान्तिपूर्ण र सम्भ रुपमा मनाउन उहाँले तमाम भक्तपुरबासीहरुले आग्रह गर्नुभयो र भन्नुभयो –“स्वदेशी र विदेशीहरुले समेत प्रत्यक्ष अवलोकन गर्ने बिस्का जात्रालाई सबै मिलेर भव्यताका साथ सम्पन्न गर्नु आवश्यक छ ।”
फल्चा पुनःनिर्माण उपभोक्ता समितिका अध्यक्ष राम सुन्दर खाताखोले हिसाब सार्वजनिक गर्दै रु २३ लाख ८४ हजार लगत इष्टिमेट भएकोमा १२ लाख १० हजार रुपैंयामा पुनःनिर्माण सम्पन्न भएको जानकारी दिनुभयो ।
भनपा वडा नं. ३ का वडाध्यक्ष राजकृष्ण गोराको सभापतित्वमा सम्पन्न उक्त कार्यक्रममा कार्यपालिका सदस्य सुनिता प्रजापति, वडा सदस्य राजकुमार शिल्पकार र भनपा सम्पदा शाखा प्रमुख रामगोविन्द श्रेष्ठले फल्चा पुनःनिर्माणका लागि सहयोग गर्ने सबैलाई धन्यवाद दिंदै त्यसको संरक्षण गर्न सबैलाई आग्रह गर्नुभएको थियो ।
