भक्तपुर नगरपालिकाको आयोजनामा नगरव्यापी विद्यालयस्तरीय खेलकुद प्रतियोगिताको दोस्रो दिनको नतिजा
भक्तपुर, कार्तिक १० ।
भक्तपुर नगरपालिकाको आयोजनामा नगरव्यापी विद्यालयस्तरीय खेलकुद प्रतियोगिताको दोस्रो दिन जारी छ ।
सहिद स्मृति खेल मैदानमा भइरहेको लिग कम नकआउटको आधारमा खेलाइएको भलिबल खेलमा शनिबार भएको छात्र भलिबलमा शारदा माविले सरस्वती माविलाई २—० सेटले पराजित गरेको छ । यसै विच लिग चरणको खेल सकिएसँगै पद्य मावि र गणेश मावि तथा वागीश्वरी मावि र शारदा मावि सेमिफाइनलमा प्रवेश गरेका छन् ।
छात्रा तर्फको भलिबल खेल लिग चरणमा भइरहेको छ भने शनिबार नै भएको अर्को खेलमा वागीश्वरी माविले पद्यलाई २—१ सेट, बासु माविले अक्सफोर्ड प्राक्टिकल स्कुललाई २—० सेट, पद्य माविले सरस्वती माविलाई २—० सेट, वागीश्वरी माविले सरस्वती माविलाई २—० सेटले पराजित गरेको छ । छात्रा तर्फको खेलमा भने पद्य मावि र बासु मावि तथा वागीश्वरी मावि र अक्सफोर्ड प्राक्टिकल स्कुल सेमिफाइनलमा भिडदैछन् ।
त्यस्तै नासमना टोलमा संचालन भइरहेको तौल अनुसार खेलाइने खेल उसु तर्फको सान्सो खेलमा छात्र र छात्राहरुको पहिलो चरणका खेलहरु सम्पन्न भइसकेका छन् बाँकी खेलहरु आइतबार हुनेछन् ।
त्यस्तै लामगाल चौरमा खोखो खेल नकआउट चरणमा खेल जारी छ । शनिबार भएको छात्र तर्फको खोखो खेलमा शारदा माविले एभरेष्ट इ स्कुल, विद्या आर्जनले दत्तात्रय, सरस्वती विद्यागृहले आदर्श आजाद, प्रभात माविले सुर्यविनायक इ स्कुल, वाइजल्याण्डले ब्राइटस्टार, विद्यार्थी निकेतनले मेधा मावि, तारा माविले लिशा स्कुल र बासु माविले माउन्ट भ्यालीलाई पराजित गरेका छन् ।
त्यस्तै विद्यार्थी निकेतन माविमा भइरहेको तेक्वान्दो खेलमा पुरुष पुम्सेमा सबल श्रेष्ठ (वागीश्वरी मा.वि.) प्रथम, नविन सुवेदी (ग्लोबल लाइफ स्कूल) दोस्रो, यजल मगर (प्रोक्सिमा इन्टरनेस्नल एकेडेमी) र सक्षम भोमी (जेन्युइन सकेण्डरी इ स्कुल) तेस्रो हुन सफल भएका छन् ।
महिला पुम्सेमा रोजिना तामाङ (अक्सफोर्ड प्राक्टिकल से, स्कुल) प्रथम, रक्षा खड्का (सूर्य विनायक स्कुल) दोस्रो, सेनोरिता सितिखू (प्रभात इ. स्कुल) र आशिका श्रेष्ठ (विद्यार्थी निकेतन मा, वि.) तेस्रो हुन सफल भएका छन् ।
महेश्वरी खेलमैदानमा भइरहेको फुटबल प्रतियोगिताको दोश्रो दिनको पहिलो खेलमा माउन्ट भ्याली सेकेण्डरी स्कूलको ० गोल माथि सनसाइन ऐकेडेमीले ६ गोल, दोश्रो खेलमा समता स्कूलको १ गोल माथि साइनिङ स्टुडेन्टले ३ गोल तथा तेश्रो खेलमा महेन्द्र विद्या आश्रमको १ गोल माथि पद्म माविले ४ गोलले जितेका थिए ।
त्यस्तै लिवाली कभर्ड हलमा शनिबारदेखि सुरु भएको ब्याडमिन्टन प्रतियोगितामा ९/१० को छात्रतर्फ लिशा इङ्गलिस स्कूलका सुदिप थिमी, हिमालयन ग्लोरीका सिवन गोरा, विद्या आर्जनका सरिन ख्याजू, वागिश्वरी माविका निश्चल त्वायनाबासु सेमिफाइनलमा पुग्न सफन भएका छन् ।
कक्षा ९/१० को छात्रातर्फ सायरा गोसाइ, प्रभात इङ्गलिस स्कूलका मनिषा श्रेष्ठ, गोल्डेन गेट इङ्गलिस स्कूलका रिजु बाला, बासु माविका प्रशंसा बुढाथोकी सेमिफाइनलमा पुग्न सफल भएका छन् ।
कक्षा ११/१२ छात्रतर्फ वागिश्वरी माविका सिविक ज्याख्व, सुरज परियार, निश्चल सिङगर ख्वप माविका कसिर नखेत्रु सेमिफाइनलमा पुग्न सफल भएका छन् ।




+71
Bo