भक्तपुर नगरपालिकाको आयोजनामा नगरव्यापी विद्यालयस्तरीय खेलकुद प्रतियोगिता शुक्रबारबाट सुरु

सहिद स्मृति खेल मैदानमा भइरहेको लिग कम नकआउटको आधारमा खेलाइएको भलिबल खेलमा आज भएको लिग चरणको समूह क अन्तर्गत श्री पद्य मा.वि. र शारदा मा.वि.विच भएको खेलमा पद्य मा.वि.ले शारदा मा.वि.लाई २—० सेटले पराजित गरेको छ ।

त्यस्तै गणेश मावि र वागीश्वरी माविविच भएको खेलमा वागीश्वरी माविले गणेश माविलाई २—१ सेटले पराजित गरेको छ ।

पद्य मावि र सरस्वती माविको प्रतिस्पर्धात्मक खेलमा पद्य माविले सरस्वती माविलाई २—० सेटले पराजित गरेको छ ।

बेखाल स्थित कभर्ड हलमा संचालन भइरहेको टेबुलटेनिस खेल नकआउट चरणमा खेल भइरहेको छ । पहिलो चरणको छात्र १२ वर्षमुनि, छात्रा १२ वर्षमुनि, छात्र १६ वर्षमुनि र छात्रा १६ वर्षमुनिका खेलहरु बिहिबार सम्पन्न भइसकेको छ ।

महेश्वरी खेलमैदानमा भएको फुटबल खेलमा बासु माविले ग्लिटर फ्युचरलाई २—० गोलले पराजित गरेको छ भने मेधा माविले जेन्युइन स्कुललाई २—० गोलले पराजित गरेको छ । वागीश्वरी मावि र सेकरिट हार्टविचको खेलमा वागीश्वरी माविले सेकरिट हार्टलाई ३—२ ले पराजित गरेको छ ।