नेपाल मजदुर किसान पार्टीका केन्द्रीय अध्यक्ष एवं वरिष्ठ राजनीतिज्ञ नारायणमान विजुक्छेँ(रोहित)को प्रमुख आतिथ्यतामा भक्तपुर नगरपालिकाको आयोजनामा वर्षका उत्कृष्ट महिला तथा पुरुष खेलाडीहरुको सम्मान कार्यक्रम आज सम्पन्न भयो ।
कार्यक्रममा बोल्नुहुँदै प्रमुख अतिथि बिजुक्छेँले खेलाडीहरु देश रक्षाको निम्ति तत्पर हुनुपर्नेमा जोड दिनुहुँदै प्रतिक्रियावादीहरुले खेलाडीहरुलाई गलत ढंगले प्रयोग गर्न सक्ने हुँदा खेलाडीहरु सजग हुनुपर्ने बताउनुभयो ।
उहाँले खेलाडीहरुले खेलकुदका साथसाथै देशको संस्कृति र साँस्कृतिक सम्पदा संरक्षण लगायत समाज विकासको लागि महत्वपूर्ण भूमिका खेल्नुपर्ने बताउनुभयो ।
कार्यक्रममा प्रमुख सुनिल प्रजापतिले खेलाडीहरु देशकै सम्पत्ति भएकोले राज्यले खेलाडीको सुरक्षा र व्यवस्थापन गर्नुपर्ने बताउनुभयो । अहिले खेलाडीहरु विदेश पलायन हुने बाध्यता भएकोले खेलाडीलाई उत्साहित गर्ने खालको कार्यक्रमहरु संचालन गर्नुपर्ने बताउनुभयो । भनपामा खेलकुद पुर्वाधार कम भएको बताउनुहुदै राज्यले खेलकुद क्षेत्रमा गरेको लगानी पनि बालुवामा पानी हुने गरेको बताउनुभयो । खेलाडीहरु पनि राजनीतिबाट अलग हुन नसक्ने बताउनुहुदै खेलाडीहरुले पनि देशको सार्वभौमसत्ता, स्वतन्त्रता, अखण्डता रक्षाका लागि लड्नुपर्ने बताउनुभयो ।
कार्यक्रममा बागमती प्रदेश सभाका सभासद् सुरेन्द्रराज गोसाईले खेलाडीहरुले खेलका साथसाथै समाज विकासमा उत्कृष्ट योगदान गर्नुपर्ने बताउनुहु“दै खेलाडीहरुले स्वयंसेवी भावनाले काम गर्नुपर्ने बताउनुभयो । उहा“ले राज्यले खेल क्षेत्र वास्ता नगरेको सन्दर्भमा भक्तपुर नगरपालिकाले खेलाडी सम्मान कार्यक्रम आयोजना गर्नु प्रेरणादायी भएको बताउनुहुँदै यस्ता कार्य देशकै लागि उदाहरणीय भएको बताउनुभयो ।
कार्यक्रममा उपप्रमुख रजनी जोशीले नगरपालिकाले नेमकिपाको निर्वाचन घोषणापत्र अक्षरस पालना गर्दै शिक्षा, स्वास्थ्य, सरसफाइ र आधारभूत आवश्यकताका साथै खेलकुद क्षेत्रलाई प्राथमिकतामा राख्दै कार्य गर्दै आएको बताउनुभयो । उहाँले खेलकुद, शिक्षा र स्वास्थ्य एक आपसमा अन्योन्याश्रित रुपमा जोडिएर रहेको चर्चा गर्नुुहुँदै भनपाले हरेक वर्ष खेलकुद प्रतियोगिताहरु सञ्चालन गरी खेलकुद क्षेत्रलाई प्रोत्साहित गर्दै आएको बताउनुभयो ।
यसै प्रस·मा भक्तपुर नगरपालिकाले अपा·ता दिवसको अवसरमा अपा·ता भएका व्यक्तिहरुबीच बास्केटबल प्रतियोगिता आयोजना गरेको स्मरण गर्नुुहुँदै खेलाडीहरु देशको गहना भएकोले खेलाडीहरुले देश र जनताको सेवा गर्नुपर्ने समेत जिम्मेवारी रहेको बताउनुभयो ।
कार्यक्रममा भक्तपुर नपाका प्रमुख प्रशासकीय अधिकृत बसन्त भट्टराईले खेलकुद क्षेत्रको विकासको लागि संघ, प्रदेश र स्थानीय सरकारबीच समन्वय हुनुपर्ने बताउनुहुँदै खेलाडीहरुको वृत्ति विकासको लागि भक्तपुर नगरपालिकाले नियमित रुपमा विद्यालयस्तरीय तथा अन्तरनगर खेलकुद प्रतियोगिताहरु सञ्चालन गर्दै आइरहेको जानकारी गराउनुभयो ।
भक्तपुर नगरपालिका वडा नं. १ का वडाध्यक्ष एवं युवा तथा खेलकुद समितिका संयोजक श्यामकृष्ण खत्रीले भक्तपुर नगरपालिकाले शिक्षा, स्वास्थ्य, पर्यटन क्षेत्रजस्तै खेलकुद क्षेत्रलाई पनि प्राथमिकता राख्दै आएको बताउनुहँुदै नगरवासीको स्वास्थ्यलाई ध्यानमा राखी टोल टोलमा खुल्ला व्यायामशाला, छिकोङ प्रशिक्षण र विद्यालयहरुमा खेलकुद प्रशिक्षकहरुको बन्दोबस्त गरेको बताउनुभयो ।
कार्यक्रममा भक्तपुर जिल्ला भलिबल संघका अध्यक्ष विनोद चरण रायले भक्तपुर नपाले गरेको खेलाडी सम्मानले खेलाडीहरु थप उत्साहित भएको र नपाले खेलकुदमा उदाहरणीय तथा सरहानीय कार्य गरेको बताउनुहुँदै सम्मानित हुने खेलाडीहरुको घोषणा गर्नुभयो । कार्यक्रममा वडा नं. ४ का वडाध्यक्ष एवं युवा तथा खेलकुद समितिका सदस्य उपेन्द्र सुवाल र समितिका सदस्य रामसुन्दर बासीले पनि बोल्नुभएको थियो ।
कार्यक्रममा प्रमुख अतिथि बिजुक्छेँले १६ जना निर्णायकहरु, १७ वटा खेलका उत्कृष्ट १७/१७ जना महिला र पुरुष खेलाडीहरु तथा १७ उत्कृष्ट प्रशिक्षकहरु, प्रशिक्षक कोर्ष उत्तीर्ण २१ जना प्रशिक्षकहरु, अन्तर्राष्ट्रिय पदक प्राप्त गर्ने ७ जना खेलाडीहरुलाई सम्मान गरिएको थियो ।
