भक्तपुर नगरपालिका न्यायिक समितिले सम्पादन गरेका कार्यहरुको अनुगमन तथा निरीक्षण

जिल्ला न्यायाधीश विश्वनाथ भट्टराईको नेतृत्वमा आएको जिल्ला अदालतका प्रतिनिधिहरुबाट आज भक्तपुर नगरपालिका न्यायिक समितिबाट भए वा गरेका कार्यकोको अनुगमन तथा निरीक्षण गर्नुभयो ।

उक्त निरीक्षणका क्रममा जिल्ला न्यायधीश भट्टराई नेतृत्वको टोलीले भक्तपुर नगरपालिकाका प्रमुख सुनिल प्रजापतिसँग भेटघाट ग¥यो । भेटमा न्याय प्रणालीमा देखिएका समस्याहरु, न्यायिक समितिले सम्पादन गरेका कार्यहरुबारे छलफल भयो ।

निरीक्षणको क्रममा उपस्थित जिल्ला अदालतका प्रतिनिधिहरूले भक्तपुर नगरपालिका न्यायिक समितिबाट सम्पादन भएका उजुरी निवेदनका मिसिलहरु अध्ययन गरी आवश्यक राय र सुझाव दिएका थिए । भक्तपुर नगरपालिकाले न्यायिक क्षेत्रमा अदालतले गर्ने शैलीमै व्यवस्थित रुपमा तथ्यांक राख्ने गरेको प्रतिनिधिहरूले बताउनुभयो ।

संविधानले हरेक वर्ष न्यायिक समितिको अनुगमन र निरीक्षण गरी त्यसको प्रतिवेदन समेत तयार गरी सम्बन्धित निकायमा बुझाउनुपर्ने कानुनी र संवैधानिक व्यवस्था गरेको छ ।