नेपाल मजदुर किसान पार्टीका अध्यक्ष नारायणमान बिजुक्छेँ (रोहित) ले सहकारी संस्थाहरुले उत्पादनमूलक क्षेत्रमा लगानी गर्नुपर्नेमा जोड दिनुभयो ।
भक्तपुर नगरपालिकाको आयोजनामा ६८ औं राष्ट्रिय सहकारी दिवसको अवसरमा सम्पन्न प्रवचन कार्यक्रममा बोल्नुहँुदै उहाँले सहकारी संस्थाहरुको प्रमुख समस्या अनुत्पादनशील क्षेत्रमा लगानी गर्नु हो भन्नुभयो ।
प्रमुख अतिथि बिजुक्छेँले समुदायमा आधारित सहकारी संस्थाले पैसा लेनदेनमा मात्र सीमित नरही कृषि, स्वास्थ्य, ज्येष्ठ नागरिक लक्षित आदर निकेतन सञ्चालन, गरिबलाई छात्रवृत्ति, तालिम लगायतका सामूहिक हितका लागि काम गर्नुपर्ने बताउनुभयो ।
शासक दलका व्यक्तिहरुले नै सहकारीको रकम अपचलन गरी तिनीहरुलाई नै प्रश्रय दिइरहेको हुँदा सर्वसाधारणले आफूले बचत गरेको रुपैयाँ जोखिममा परेको बताउनुहु“दै उहाँले चीनले सहकारीले व्यापक जनतालाई सचेत र संगठित पार्ने काम गर्दै आएकोले सहकारी चीनको लागि आर्थिक र सामाजिक विकासको क्रान्ति ल्याउने माध्यम बनेको चर्चा गर्नुभयो ।
कार्यक्रममा भक्तपुर नगरपालिकाका प्रमुख सुनिल प्रजापतिले सहकारी संस्थाले बैंक तथा वित्तीय संस्थाले जस्तै काम गर्न नहुने बताउनुहुँदै समुदायको हित र सिंगो समाज उत्थानमा सहकारीको अहम् भूमिका हुनुपर्ने बताउनुभयो ।
उहाँले भक्तपुर नपाले जनताको बचत रकम सुरक्षित गर्न नगरभित्र कार्यक्षेत्र नभएका सहकारीहरुलाई पत्रपत्रिका र अनलाईनमार्पmत सचेत गरेको बताउनुहुँदै अधिकांश सहकारी संस्थाहरुले उत्पादनमूलक क्षेत्रमा लगानी गर्नु भन्दा पनि घरजग्गाहरुमा लगानी गरेको अनुगमनका क्रममा भेटिएको चर्चा गर्नुभयो ।
भक्तपुर नपाले संकटको समयमा सहकारी संस्थाहरुसँग समन्वय गरी काम गर्दै आएको बताउँदै उहाँले सहकारीले बालबालिका र ज्येष्ठ नागरिकलाई लक्षित गरी गतिविधिहरु सञ्चालनमा जोड दिनुपर्ने बताउनुभयो ।
कार्यक्रममा उपप्रमुख रजनी जोशीले सहकारी संस्थाले जनताको अभिभावकत्व ग्रहण गरी गरिब जनताको साथीको रुपमा काम गर्नुपर्ने बताउँदै सहकारी संस्था स्थापनाको ६८ वर्ष पार गरिसक्दा पनि सहकारीहरुमा विकृतिहरु यथावत रहेकोमा चिन्ता व्यक्त गर्नुभयो ।
कार्यक्रममा भनपा २ का वडाध्यक्ष एवम् सहकारी समितिका संयोजक हरिप्रसाद बासुकलाूले सहकारी स्थापनाको इतिहासबारे प्रष्ट पार्दै वित्तीय तथा आर्थिक अनुशासन, सहकारी सिद्धान्त र मूल्य मान्यतामा सञ्चालित सहकारीहरुमा कुनै समस्या नहुने बताउनुभयो ।
कार्यक्रममा नगरपालिकाका प्रशासकीय अधिकृत वसन्त भट्टराईले सहकारीमा देखिएका चुनौती र समस्याहरुबारे प्रष्ट पार्नुभयो ।
उक्त कार्यक्रममा सहकारी अनुगमन समितिका हरिरत्न गोर्खाली र नारायण प्रसाद त्वानाबासुले पनि बोल्नुभएको थियो ।
