नेपाली सेनाका प्रधानसेनापति अशोकराज सिग्देलको प्रमुख आतिथ्यमा भक्तपुर नपा वडा नं. १ सल्लाघारीस्थित श्री सैनिक आवासीय महाविद्यालयको ४७ औं वार्षिकोत्सव कार्यक्रम आइतबार एक कार्यक्रमबीच महाविद्यालयको प्रांगणमा सम्पन्न भयो । कार्यक्रममा प्रधानसेनापति सिग्देलले महाविद्यालयको वार्षिक मुखपत्र ‘सल्लाघारी २०८१’ बिमोचन गर्नुभएको छ भने वार्षिकोत्सवको अवसरमा विद्यार्थीहरुलाई पुरस्कार वितरण गर्नुभयो । कार्यक्रमका प्रमुख अतिथि अशोकराज सिग्देल, भक्तपुर नगरपालिकाका प्रमुख सुनिल प्रजापतिलगायतले विद्यार्थीहरुद्वारा प्रदर्शित शैक्षिक प्रदर्शनीहरुको स्थलगत अवलोकन गर्नुभएको थियो ।




