धान बालीमा लाग्ने किरा तथा रोग व्यवस्थापनबारे किसानहरुलाई अभिमुखिकरण कार्यक्रम

कृषि समितिका संयोजक एवं भक्तपुर नगरपालिका वडा न ३ वडाध्यक्ष राजकृष्ण गोराले किसानहरुले अभिमुखिकरण कार्यक्रममा सिकेका कुराहरु किसानहरुबिच एक आपसमा छलफल गर्दै जानुपर्ने बताउनुभयो ।

बिउको उपचार तथा बीउ व्यवस्थापन तथा माटो परिक्षणमा पनि किसानले चासो नदेखाउदा समस्या आउने गरिएको समेत बताउनुभयो ।

बाली लगाउदा रोग पहिचान गरेपछि मात्रा विषादी छर्नुपर्ने आग्रह गर्नुहुदै उहाँले किसानहरुले समय समयमा कम्पोस्ट मल पनि राख्नुपर्ने बताउनुभयो ।

किसानहरुको समस्या आएपछि अनुगमन गरिदै आएको जानकारी दिनुहुदै सरकारबाट २० टन कोटामात्र मल छुट्याउदा भक्तपुरमा प्रत्येक वर्ष मलको हाहाकार हुने गरेको बताउनुभयो ।

कार्यक्रमका भक्तपुर नगरपालिका वडा न १० वडाध्यक्ष लक्ष्मी प्रसाद ह्यौमिखाले भनपाले जनताको हितमा राखी काम गर्दै आइरहेको बताउनुहुदै नेपाल सरकारले कृषिमा वेवास्ता गरेको कारण देशमा उत्पादन कम हुँदै गइरहेको बताउनुभयो ।

कृषि प्रधान देश भएर पनि कृषिमा परनिर्भर बन्नु दु:खद कुरा रहेको चर्चा गर्नुहुदै कृषि प्राविधिकलाई देखाएपछि मात्र बाली उपचार गर्नुपर्ने बताउनुभयो ।

अभिमुखिकरण कार्यक्रममा भनपाका कृषि प्राविधिक रवि ख्याजुले प्रस्तुतिकरण गर्नुभएको उक्त कार्यक्रममा वडा सदस्य कृष्ण प्रसाद दुमरु र समाजसेवी लक्ष्मी प्रसाद चवालले पनि बोल्नुभएको थियो