भक्तपुर नगरपालिका वडा नं. १ को आयोजना तथा ख्वप अस्पतालको प्राविधिक सहयोगमा भक्तपुर भनपा १ वडा कार्यालयमा मनारोगसम्बन्ध्ी अभिमुखीकरण कार्यक्रम सम्पन्न भयो ।
कार्यक्रममा बोल्नुहुँदै मनोरोग विशेषज्ञ डा. विश्वबन्धु शर्माले देशको कूल जनसंख्यामध्ये १२ प्रतिशत जनसंख्या कुनै न कुनै किसिमको मानसिक रोगबाट पिडित रहेको बताउनुहुँदै मानसिक रोगीलाई परिवारको सहयोग तथा चिकित्सकको परामर्शमा नियमित औषधी सेव मार्फत निको हुने जानकारी दिनुभयो ।
उहाँले मानसिक रोगीलाई अपहेलना गर्न नहुने बताउनुुहुँदै रोगीहरुको मनोबल बढाउन व्यवहारिक वातावरण बनाउनु आवश्यक रहेको चर्चा गर्नुभयो । हाल समाजमा कम उमेरका बालबालिकाहरुदेखि कक्षा ११/१२ मा अध्ययनरत विद्यार्थीहरुमा समेत मनोरोग देखिन थालेको जानकारी दिनुहुँदै कम उमेरका विशेषगरी सुस्तमनस्थिति भएका बालबालिकाहरुलाई विद्यालयहरुमा छुट्टै कक्षा कोठाको व्यवस्था गरी छुट्टै पाठ्यक्रम बनाई अध्ययन गर्न दिनु उपयुक्त हुने बताउनुभयो ।
कार्यक्रममा भनपा–१ का वडाध्यक्ष श्यामकृष्ण खत्रीले भक्तपुर नगरपालिकाबाट नगरबासीहरुलाई स्वस्थ बनाउन स्वास्थ्य सेवाको उपलब्धताको लागि वडा–वडामा आधारभूत स्वास्थ्य केन्द्रहरु स्थापना गरी ल्याब सहितको सेवा सञ्चालन गर्दै आएको, घरदैलो नर्सि· सेवा लगायत समय समयमा स्वास्थ्य शिविर समेत आयोजना गर्दै आएको जानकारी दिनुभयो । उहाँले युवाहरु विदेशिनुमा देशमा रोजगारीको अवसर नपाउनु मुख्य कारण हो भन्नुभयो ।
कार्यक्रममा भनपा १ का वडा सदस्य सूर्यप्रसाद श्रेष्ठ र स्थानीय समाजसेवी कृष्ण बहादुर दुगुजुले पनि बोल्नुभएको थियो भने स्थानीय विद्यालयका शिक्षक शिक्षिका, स्वास्थ्यकर्मी, वडाबासी महिला, युवा र विद्यार्थीहरुको उल्लेख्य सहभागिता रहेको थियो ।
