२१ स्थानीय तहका जनप्रतिनिधि र कर्मचारीहरुलाई पुरातात्विक सम्पदा व्यवस्थापनसम्बन्धी अभिमुखीकरण

भक्तपुर नगरपालिकाका प्रमुख सुनिल प्रजापतिले प्रदेश सुशासन केन्द्र, बागमतीको आयोजनामा भएको स्थानीय तहका पुरातात्विक सम्पदा संस्कृति तथा पर्यटन हेर्ने पदाधिकारी र पुरातात्विक सम्पदा तथा पर्यटन शाखामा कार्यरत कर्मचारीहको लागि पुरातात्विक सम्पदा व्यवस्थापन सम्बन्धी अभिमुखीकरणको कार्यक्रमको उद्‍घाटन गर्नुभयो ।

उद्‍घाटन कार्यक्रममा बोल्नुहुँदै प्रमुख अतिथि प्रजापतिले ऐतिहासिक एवं साँस्कृतिक नगर भक्तपुरमा २१ वटा स्थानीय तहका जनप्रतिनिधि तथा कर्मचारीहरुलाई स्वागत गर्नुहुँदै तीन दशक अगाडि शिक्षा र स्वास्थ्यमा देशकै पिछडिएको अवस्थामा रहेको भक्तपुर नगरलाई देशकै नमूना स्थानीय तह बनाउन स्थानीय जनता, जनप्रतिनिधि र कर्मचारीहरु अगाडि बढिरहेको जानकारी दिनुभयो । उहा“ले भक्तपुरलाई ज्ञान विज्ञानको केन्द्र बनाउने लक्ष्य अनुसार नगरपालिकाले हाल ६०० जनालाई ५ लाखसम्मको शैक्षिक ऋण प्रदान गर्दै आइरहेको, इतिहास, भूगोल, नेपाल भाषा, राजनीतिशास्त्र र अर्थशास्त्र पढ्ने विद्यार्थीहरुलाई स्नताक तह र सो भन्दा माथिको अध्ययन गर्न पूर्ण छात्रवृत्ति प्रदान गर्दै आइरहेको, नगरपालिका अन्तर्गत ७ वटा शैक्षिक संस्थाहरुमा देशका ७७ जिल्लाका ७ सय विद्यार्थीहरु अध्ययनरत रहेको जानकारी दिनुभयो ।

उहा“ले भक्तपुर नगरपालिकाको आप्mनै सय शैय्याको अस्पताल सञ्चालन गर्दै आइरहेको जानकारी दिनुहु“दै ख्वप अस्पतालमा गत आ.व.मा ७५ जिल्लाका २ लाख २० हजारभन्दा बढी विरामीहरुले सेवा लिइसकेको र चालु आ.व.को १० महिनामा १ लाख ८० हजारभन्दा बढी विरामीहरु लाभान्वित भइसकेको बताउनुभयो । उहाँले भक्तपुर नगरभित्रका नगरबासीले छितो छरितो स्वास्थ्य सुविधा पाइरहेको जानकारी दिनुहुँदै हाल देशकै एकमात्र छात्ती पुनर्स्थापना केन्द्रमार्फत र ख्वप तिलगंगा आँखा अस्पतालमार्फत सेवा प्रदान गरिरहेको जानकारी दिनुभयो ।

उहा“ले भक्तपुर नगरमा पुरातात्विक र साँस्कृतिक परिवर्तन समेत भएको उल्लेख गर्नुहुँदै विगत ७ वर्षमा १४५ वटा भन्दा बढी सम्पदाहरु पुनःनिर्माण भएको जसमा अधिकांश उपभोक्ता समितिमार्पmत भएको जानकारी दिनुभयो । उपभोक्ता समितिमार्पmत गरेका कार्यमा स्थानीय श्रोत, साधन र सीपका साथै गुणस्तरीयताका साथै अपनत्व पनि कायम हुने भएकोले यस मोडेलमा विकास निर्माण र सम्पदा संरक्षण गरिरहेको उहा“ले बताउनुभयो ।

कार्यक्रममा बागमती प्रदेश, प्रदेश सुशासन केन्द्रका निर्देशक गीता गुरुड्डले भक्तपुर नगरपालिकाले गरिरहेको सम्पदा संरक्षण कार्यको चर्चा गर्नुहुँदै अन्य स्थानीय तहहरुले पनि सम्पदा संरक्षणलाई महत्व दिई यसलाई आम्दानीको श्रोतको रुपमा अगाडि लानुपर्ने विचार व्यक्त गर्नभयो । उहा“ले जनप्रतिनिधिहरु मागर्दशक हुन् र उहाँहरुको मार्गदर्शन अनुसार कार्य गर्नु कर्मचारीहरुको दायित्व हो भन्नुभयो ।

उद्‍घाटन कार्यक्रममा भनपाका उपप्रमुख रजनी जोशी, प्रमुख प्रशासकीय अधिकृत बसन्त भट्टराई, प्रशिक्षक एवं पुरातत्व विभागका पूर्व महानिर्देशक भीम प्रसाद नेपाल र प्रदेश सुशासन केन्द्रका उपनिर्देशक विनोद विडारीको उपस्थिति रहेको थियो ।