विश्वविद्यालय अनुदान आयोगको कार्यालयबाट ख्वप कलेजको लागि छनोट भएका उद्यमशीलता सहयोग कार्यक्रम

विश्वविद्यालय अनुदान आयोगको सहयोगमा ख्वप कलेजमा सञ्चालित ‘इन्टर्नसीप सपोर्ट पोग्राम’ को उद्घाटन कार्यक्रम बिहीबार ख्वप कलेजमा सम्पन्न भयो ।

भक्तपुर नगरपालिकाका प्रमुख एवं कलेज सञ्चालक समितिका अध्यक्ष सुनिल प्रजापतिले कार्यक्रम उद्घाटन गर्दै विश्वविद्यालय शैक्षिक प्रमाणपत्र बेच्ने संस्था हुन नहुने धारणा राख्नुभयो ।

शिक्षालाई उत्पादन श्रमस“ग जोड्न सके बेरोजगारी हट्ने उल्लेख गर्दै उहा“ले भन्नुभयो, “भक्तपुर नगरपालिकाले उद्यमशीलता जोड दिई विभिन्न व्यवसायिक तथा सीपमुलक (हेयर कटिङ, सिलाई, पाक कला, कम्प्युटर, चिनिया“ र जापानी भाषा, प्लम्बिङ, डकर्मी, श्रृङ्गार) तालिमहरु सञ्चालन गरिरहेको छ । नगरपालिकाले उद्यमशीलता टेवा दिने उद्देश्यले रु. ५ लाखसम्म उद्यमशीलता ऋण उपलब्ध गराउ“दै आएको छ । उद्यमशीलता प्रवद्र्धन गर्ने विषयमा ख्वप कलेज विश्वविद्यालय अनुदान आयोगस“ग सहकार्य गर्न तयार छ ।”

हरेक तालिम उपयोगीमूलक हुनुपर्ने आवश्यकता औ“ल्याउ“दै प्रमुख प्रजापतिले प्राप्त अनुदानको सही सदुपयोग हुनुपर्नेमा सचेत गराउनुभयो ।

उहा“ले भन्नुभयो, “सरकारमा बस्ने नेताहरुको अकर्मण्यताको कारण नेपाली युवाहरु विदेशीरहेका छन् । यसलाई रोक्न युवाहरुलाई उद्यमी बनाउनुपर्छ ।”

जनताको छोराछोरीहरुलाई कम शुल्कमा गुणस्तरीय शिक्षा दिन्छु भन्दा पनि भनपाबाट सञ्चालित कलेजहरुलाई विद्यार्थी र अभिभावको रोजाइअनुसारका विषयहरु सञ्चालन गर्न नदिएकै कारण ख्वप विश्वविद्यालय स्थापना गर्नु आवश्यक भएको प्रमुख प्रजापतिले स्पष्ट पार्नुभयो ।

विश्वविद्यालय अनुदान आयोगका अनुसन्धान निर्देशक प्रा.डा. लालप्रसाद आम्गाइ“ले देशको भविष्य युवाहरुको हातमा हुने चर्चा गर्दै भन्नुभयो, “युवा जस्तो हुन्छ† देश पनि त्यस्तै हुनेछ ।

“पैसाको लागि विदेशी भूमिमा मरिमेट्नुभन्दा युवाहरुले स्वदेशको लागि काम गर्नुपर्ने र आफ्नै भूमिको लागि काम गर्नुपर्छ† आफूस“ग भएको सीप, पुर्खौली पेशा तथा आफ्ना संस्कृतिलाई उद्यमको रुपमा विकास गर्नेतर्फ युवाहरु जागरुक हुनुपर्छ, उहा“ले भन्नुभयो ।

श्रमता अभिवृद्धि, उद्यमशीलता, अनुसन्धान, वृत्ति विकासलगायत विभिन्न कार्यक्रमहरु सञ्चालन गरी देशभरका १,५१६ क्याम्पसस“ग विश्वविद्यालय अनुदान आयोगको कार्यालयले सहकार्य गरिरहको उहा“ले जानकारी दिनुभयो ।

ख्वप कलेजका प्राचार्य प्रकाशकुमार श्रेष्ठले कार्यक्रमले लिएको लक्ष्यलाई पूरा गर्न सहभागीहरु उत्सावद्र्धक रुपमा लाग्नुपर्ने खा“चो औ“ल्याउनुभयो ।

कर्यक्रम संयोजक उपप्राध्यापक अञ्जु ग्वाछाले कार्यक्रम ‘३ क्रेडिट आवर’ को हुने र तालिमको सिलसिलामा फिल्डभिजिट, सेमिनार, अनुभव आदानप्रदान, सफल व्यवसायीस“ग अन्तरक्रियालगायतको कार्यक्रम हुने जानकारी दिनुभयो ।

कार्यक्रममा उपप्राध्यापक सुनिता गाइसीले पनि बोल्नुभएको थियो ।